Wikipedia:Ukens artikkel på nynorsk/Uke 35, 2015
![Nemunas utgjer grensa mellom Litauen og Kaliningrad oblast, som høyrer inn under Russland. Dette er brua ved Sovetsk/Tilžė.](http://upload.wikimedia.org/wikipedia/commons/thumb/d/d4/MostP%C5%99esN%C4%9BmenTil%C5%BE%C4%97.jpg/120px-MostP%C5%99esN%C4%9BmenTil%C5%BE%C4%97.jpg)
Nemunas er ei stor elv i Aust-Europa som har utspring i Kviterussland og renn gjennom Litauen og ut i strandsjøområdet Kurskij Zaliv i Austersjøen ved Klaipėda. Ho har ei lengd på over 900 km, og er den lengste elva i Litauen, den tredje største i Kviterussland og den 14. lengste elva i Europa. Det er mogeleg å segle i nesten heile elva. Dei nederste 11 mila av Nemunas utgjer grensa mellom Litauen og Kaliningrad oblast som høyrer inn under Russland.
Nemunas sitt nedslagsfelt vart danna i kvartærtida, og ligg om lag der isgrensa gjekk under den siste istida, rundt 22 000-25 000 fvt. Djupet i elva varierer frå 1 meter nær toppen av elva til 5 meter i nedre del. Alvorlege flaumar oppstår i dei nedre delane av elva med 12 til 15 års mellomrom. Desse flaumane kan stundom vaske med seg bruer. Les meir …